بھارت میں بندریا کی روٹی بنانے اور برتن دھونے کی وڈیو سوشل میڈیا پر وائرل ہوگئی۔
اترپردیش کے ضلع رائے بریلی کے کھگی پورا سدھوا گاؤں کی رانی (بندریا) کی وڈیو وائرل ہو رہی ہے جو 8 سال سے خاندان کے ساتھ گھر میں رہتی ہے۔
ویڈیو میں بندر یاکو برتن دھوتے، کپڑے دھوتے، فرش صاف کرتے، مصالحہ پیستے اور روتی بناتے دیکھ کر لوگ دنگ رہ گئے۔
گھر کے مالک آکاش کی قسمت اس وقت بدل گئی جب اس نے دنیا کے سامنے یہ ویڈیو شیئر کی۔
آکاش نے بتایا کہ ’اب تک کروڑوں لوگ رانی کی ویڈیوز دیکھ چکے ہیں اور ویڈیو کو اب تک 100 ملین سے زائد ویوز حاصل ہوچکے ہیں۔
گھر کے مالک کا کہنا تھا کہ رانی بھارت سے باہر کے ممالک میں بھی کافی مشہور ہے، امریکا، برطانیہ، سعودی عرب، بنگلادیش، پاکستان، نیپال، ایران، روس، چین اور بہت سے دوسرے ممالک میں مشہور ہے۔
علاوہ ازیں ممبئی، کولکتہ، وارانسی اور کئی دوسرے شہروں سے لوگ اسے دیکھنے آتے ہیں۔
آکاش نے اپنی آمدنی سے متعلق نہیں بتایا بس اتنا کہا کہ وہ ویڈیوز سے کافی پیسے کما چکے ہیں اور بندریا کچی روٹی بھی کھانا پسند کرتی ہے، رانی غصے میں مایوسی کا اظہار کرنے کیلئے اپنی کلائی کاٹ لیتی ہے، اس نے کبھی جان بوجھ کر کسی کو ناراض نہیں کیا۔
